Rəsmi və sürətli onlayn VÖEN qeydiyyatı – vöen açmaq üçün müraciəti indi göndər və 5 dəqiqədə vöen əldə et!
VÖEN (Vergi Ödəyicisinin Eyniləşdirmə Nömrəsi) – Azərbaycan Respublikasında sahibkarlıq fəaliyyəti ilə məşğul olmaq üçün tələb olunan rəsmi qeydiyyat sənədidir.
Vergi uçotuna alınmış vergi ödəyiciləri barədə məlumatların verilməsi
Hüquqi və ya fiziki şəxsin vergi orqanlarında rəsmi qeydiyyatda olub-olmadığını yoxlamaq imkanı yaradır. Bu xidmət, tərəfdaşların hüquqi statusunu dəqiqləşdirmək və risklərin qarşısını almaq məqsədilə istifadə olunur.
Vergi borcu barədə məlumatın verilməsi
Vergi ödəyicisinin cari dövr üzrə dövlət büdcəsinə olan vergi borcunun olub-olmadığını müəyyən etməyə imkan verir. Xüsusilə müqavilə bağlamazdan öncə maliyyə öhdəliklərini qiymətləndirmək üçün istifadə edilir.
Riskli vergi ödəyiciləri barədə məlumatın verilməsi
Vergi qanunvericiliyinin pozulmasına görə Dövlət Vergi Xidməti tərəfindən “riskli vergi ödəyicisi” kimi tanınmış şəxslər barədə məlumatların əldə olunması. İşgüzar qərarvermədə şəffaflığı və hüquqi təhlükəsizliyi təmin edir.
Borclunun ölkədən getmək hüququnun müvəqqəti məhdudlaşdırılması barədə məlumatın verilməsi
Bu xidmət, şəxsin ölkədən çıxış hüququnun məhkəmə qərarı əsasında müvəqqəti məhdudlaşdırılıb-məhdudlaşdırılmadığını yoxlamağa imkan verir. Müqavilə bağlamazdan və ya əməkdaşlığa başlamazdan öncə hüquqi risklərin qarşısını almaq məqsədilə istifadə olunur.
ƏDV ödəyiciləri barədə məlumatların verilməsi
Vergi ödəyicisinin əlavə dəyər vergisi (ƏDV) qeydiyyatında olub-olmadığını yoxlamaq üçün nəzərdə tutulmuşdur. Xidmət, müqavilə tərəfdaşının vergi statusunu müəyyən etmək və əməliyyat zamanı riskləri azaltmaq üçün istifadə olunur.
Kommersiya hüquqi şəxsin adının unikallığının yoxlanılması
Yeni kommersiya hüquqi şəxs yaradarkən seçilmiş adın qanunvericiliyə və sistemdəki mövcud məlumat bazasına uyğun olaraq unikal olub-olmadığını yoxlamağa imkan verir. Bu xidmət MMC qeydiyyatına başlamazdan öncə istifadə edilir.
Biznesinizi qurmaq və idarə etmək indi daha asandır
VÖEN, MMC qeydiyyatı, vergi uçotu və mühasibatlıq xidmətləri tam onlayn şəkildə təqdim edilir.
VÖEN açmaq – sadə, sürətli, rəsmi
Elektron müraciət, operativ qeydiyyat və daimi texniki dəstək bir platformada.
01
Asan və çevik qeydiyyat prosesi
Xidmətlər Azərbaycan Respublikasının qanunvericiliyinə uyğun olaraq, tək şəxsiyyət vəsiqəsi əsasında, elektron qaydada 5–15 dəqiqə ərzində icra olunur.
02
Məlumatların qorunması
Fərdi məlumatlar “Məlumatların qorunması haqqında” Qanuna və beynəlxalq təhlükəsizlik standartlarına əsasən şifrələnir və konfidensial şəkildə saxlanılır.
03
Qanunvericiliyə tam uyğunluq
Bütün sənədlər və prosedurlar Vergi Məcəlləsi və aidiyyəti normativ aktlara uyğun tərtib olunur. Qeydiyyat prosesi AR Dövlət Vergi Xidməti tərəfindən aparılır və müvafiq reyestrə əlavə edilir.
04
Daimi yenilənmə və texniki xidmət
Sistem hüquqi və texnoloji yeniliklərə uyğun olaraq mütəmadi yenilənir və istifadəçilərə fasiləsiz texniki dəstək təmin edilir.
05
Ən sürətli qeydiyyat platforması
Müraciət daxil olduqdan dərhal sonra qeydiyyat prosesinə başlanılır və VÖEN bir neçə dəqiqə ərzində təqdim edilir.
06
24/7 xidmətə çıxış imkanı
İstifadəçilər günün istənilən saatında və istənilən məkandan platformaya daxil olaraq qeydiyyat və digər xidmətlərdən yararlana bilərlər.
Qanunsuz sahibkarlıq
Dövlət qeydiyyatına (vergi uçotuna) alınmadan və ya xüsusi razılıq (lisenziya) tələb olunduğu halda belə razılıq (lisenziya) almadan, həmçinin lisenziyalaşdırılma şərtlərinin pozulması ilə və ya xüsusi icazə olmadan mülki dövriyyəsi məhdudlaşdırılmış əşyalardan istifadə etməklə həyata keçirilən sahibkarlıq fəaliyyəti ilə məşğul olma cinayət məsuliyyəti yaradır.
Azərbaycan Respublikası Cinayət Məcəlləsinin 192-ci maddəsi
Nizamnamənin rolu
Hüquqi şəxs onun təsis edilməsi və nizamnaməsinin hazırlanması yolu ilə yaradılır. Əgər hüquqi şəxs bir neçə təsisçi tərəfindən yaradılırsa, təsisçilər müqavilə bağlayaraq hüquqi şəxsin nizamnaməsini, onun yaradılması üzrə birgə fəaliyyət qaydasını, özlərinin əmlakının ona verilməsi və onun fəaliyyətində iştirak edilməsi şərtlərini müəyyənləşdirirlər.
Azərbaycan Respublikası Mülki Məcəlləsinin 45-ci maddəsi
Uçot aparmaq vəzifədir
Qanunvericiliklə nəzərdə tutulmuş qaydada gəlirlərinin (xərclərinin), o cümlədən vergidən azad edilmiş gəlirlərinin (xərclərinin) və vergitutma obyektlərinin uçotunu aparmaq, habelə qanunla müəyyən edilmiş vergiləri və digər məcburi ödənişləri ödəmək vergi ödəyicisinin vəzifəsidir.
Azərbaycan Respublikası Vergi Məcəlləsinin 16-cı maddəsi
Azad sahibkarlıq hüququ
Hər kəs öz imkanlarından, qabiliyyətindən və əmlakından sərbəst istifadə edərək təkbaşına və ya başqaları ilə birlikdə azad sahibkarlıq fəaliyyəti və ya qanunla qadağan edilməmiş digər iqtisadi fəaliyyət növü ilə məşğul ola bilər.
Azərbaycan Respublikası Konstitusiyasının 59-cu maddəsi
Vöen açmağın vacibliyi
Hüquqi şəxsin və sahibkarlıq fəaliyyətini hüquqi şəxs yaratmadan həyata keçirən fiziki şəxsin (fərdi sahibkar) vergi ödəməsi vəzifəsini şərtləndirən halların olub-olmamasından asılı olmayaraq onlar vergi orqanında vergi ödəyicisi kimi uçota alınır.
Azərbaycan Respublikası Vergi Məcəlləsinin 33.3-cü maddəsi
Hüquqi şəxsin hüquq qabiliyyətliyi
Hüquqi şəxs dövlət qeydiyyatına alındığı andan mülki hüquqlara malikdir və mülki vəzifələr daşıyır. Hüquqi şəxsin hüquq qabiliyyətinə onun ləğvinin başa çatdığı an xitam verilir.
Azərbaycan Respublikası Mülki Məcəlləsinin 44-cü maddəsi